Meron akong sasabihin medyo mahaba
At naisip kong idaan ko na lang sa tula
Sadyang puno ito ng salitang malalim
Yaman din lamang at ito’y taimtim
Ang sasabihin ko ay maaring matalinhaga
Dahil ito sa isip ko na iyong sinasalasa
O minsa’y nag-uupat ng kaguluhan sa damdamin
Nagpapahaba rin sa taludtod ng aking awitin
Gulod ito na sobrang hirap daanan
Maari sanang ito’y wala ng katapusan
Ayaw kong sunugin ang buong mundo
Liyab lang ang adhikain ko dyan sa puso mo
Ang haba na ata nitong aking tula
Lalo ka na atang maainis sa dami ng aking salita
Ipagpatawad mo ang masyadong malalim na damdamin
Mahal kita yan mas madaling intindihin.
